गाडी दुर्घटनामा सशस्त्रका एसपी पोखरेलको मृत्यु, प्रजिअ भट्टराई घाइते

दूरबिन नेपाल     १२ माघ २०७५, शनिबार १९:४२    

काठमाडौँ । गाडी दुर्घटनामा परि सशस्त्र प्रहरी बलका एसपी बलराम पोखरेलको मृतु भएको छ । शनिवार कर्मचारी मिलन केन्द्रको पिकनिकमा गएर फर्किदै गर्दा पोखरेल सवार बा १ झ १६३३ गाडी बाराको कलैयामा दुर्घटनामा परि उनको मृत्यु भएको हो । गाडीमा सवार बाराका प्रमुख जिल्ला अधिकारी ९सिडिओ० गणेश भट्टराई गम्भीर घाइते भएका छन् । नेपालबाट सञ्चालित अनलाइनहरूले बाराका प्रमुख जिल्ला अधिकारी गणेश भट्टराई र सशस्त्र प्रहरी बलका एसपी बलराम पोखरेल बाराको कलैयाबाट निजगढ जाने क्रममा हाइवेमा ट्रयाक्टरसँग ठोक्किएर गाडी दुर्घटना भएको जनाएका छन् ।
दुर्घटनामा गम्भीर घाइते भएका प्रमुख जिल्ला अधिकारी भट्टराईलाई उपचारका लागि वीरगन्ज लगिएको छ । उनलाई थप उपचारका लागि हेलिकप्टरबाट काठमाडौँ ल्याउने तयारी भइरहेको प्रहरी स्रोतलाई उल्लेख गर्दै अनलाइनहरूले समाचार प्रकाशित गरेका छन् ।


१२ माघ २०७५, शनिबार १९:४२ मा प्रकाशित