सम्साँझै लुटेराद्वारा अमेरिकाको न्युयोर्कमा प्रहरीमाथी गोली प्रहार कम्तिमा एकको मृत्यु

दूरबिन नेपाल     १ फाल्गुन २०७५, बुधबार ०१:४९    

न्युयोर्क । न्युयोर्कको क्वीन्समा लुटेराको गोली लागि एक प्रहरीको मृत्यु भएको छ भने अर्का प्रहरी गम्भीर घाइते भएका छन ।

क्वीन्स स्थित एटलान्टिक एभेन्युको रिचमण्ड हिल क्षेत्रमा रहेको एक मोवाइल फोन पसलमा लुटेराहरु रहेको जानकारी पाएपछि पुगेको प्रहरीमाथी गोली चलाइएको  न्युयोर्क प्रहरीलाई उद्धृत गर्दै डब्लुसी बिएस रेडियोले जनाएको छ ।

गोली लागि नजिकैको जमैका अस्पताल लगिएका घाइते प्रहरीहरु मध्ये एकजनाको मृत्यु भएको र अर्का प्रहरीको उपचार भइरहेको छ । घटना स्थलबाट ९११ मा फोन आएपछि प्रहरी सुरक्षाको लागि पुगेको थियो ।

गोली प्रहार गर्ने शंकास्पद एक व्यक्ति पनि प्रहरीको गोलीबाट घाइते भएको र सोही अस्पतालमा उपचार भइरहेको प्रहरीले जनाएको छ । न्युयोर्क प्रहरीले सो क्षेत्रमा व्यापक प्रहरी परिचालन गरिएकोले यातायातमा केही अप्ठ्यारो हुनसक्ने भन्दै ट्वीट गरेको छ ।


१ फाल्गुन २०७५, बुधबार ०१:४९ मा प्रकाशित