न्युयाेर्कमा मारिने प्रहरीमाथी आफ्नै सहकर्मीले गाेली चलाएकाे प्रमाणित

दूरबिन नेपाल     १ फाल्गुन २०७५, बुधबार १२:३७    

न्युयाेर्क ।  मंगलबार साँझ न्युयाेर्ककाे क्वीन्समा आफ्नै सहकर्मी प्रहरीले चलाएकाे गाेलीले अर्का प्रहरी अधिकारीकाे मृत्यु भएकाे छ । गाेली प्रहारबाट मारिने प्रहरी अधिकारी ४२ बर्षिय ब्रायन सिमाेनसेन भएकाे न्युयाेर्क का प्रहरी कमीसनर जेम्स पी ओनेलले जनाएका छन । मारिने प्रहरी १९ बर्षदेखि सेवारत थिए । उनी जासुसी प्रहरी अधिकारी थिए । सादा पाेशाकामा घटनास्थल पुगेका सिमाेनसनलाई अर्का जासुसी प्रहरीले लुटेरा ठानी गाेली चलाएका थिए । लुटेराकाे आशंकामा नियन्त्रणमा रहेमा व्यक्तिकाे बन्दुक नक्कलि भएपछि प्रहरी आफ्नै साथीबाट मारिएकाे प्रमाणित भएकाे हाे ।

क्वीन्स स्थित एटलान्टिक एभेन्युको रिचमण्ड हिल क्षेत्रमा रहेको एक मोवाइल फोन पसलमा लुटेराहरु रहेको जानकारी पाएपछि प्रहरी घटना स्थल पुगेकाे थियाे । त्यस क्रममा गाेली चलेकाे थियाे ।  गोली लागि नजिकैको जमैका अस्पताल लगिएका घाइते प्रहरीहरु मध्ये एकजनाको मृत्यु भएको थियाे ।

घटनास्थल पुगेका न्युयाेर्कका मेयर बील डे ब्लासियाेले साे घटना न्युयाेर्ककाे पीडादायी र कठिनपुर्ण रहेकाे बताएका छन

तस्वीर सामाजिक सञ्जाल 


१ फाल्गुन २०७५, बुधबार १२:३७ मा प्रकाशित