राष्ट्रपति ट्रम्पका ‘राजनैतिक गुरु’ तथा  चुनावी कमाण्डर म्यानफाेर्टलाई ४७ महिनाकाे जेल सजाय 

दूरबिन नेपाल     २४ फाल्गुन २०७५, शुक्रबार १३:१२    

दूरबिन नेपाल सम्वाददाता  

न्युयाेर्क । अमेरिकी राष्ट्रपति डाेनल्ड ट्रम्पका सहयाेगिहरु एक पछि अर्काे गर्दै विवादमा फस्ने वा कानुनी सजाय पाउने क्रम बढ्दै गएकाे छ । यसै क्रममा राष्ट्रपति ट्रम्पका पूर्व सहयाेगी पल म्यानफाेर्ट पनि जेल जाने भएका छन् ।

ब्याङ्क ठगी र कल छलीकाे आराेपमा भर्जिनियाकाे अदालतले म्यानफाेर्टलाई ४७ महिना जेल पठाउने निर्णय सुनाएका हाे । म्यानफोर्टले दुई करोड ४० लाख डलर क्षतिपूर्ति र ५० हजार डलर जरिवाना तिर्नुपर्ने फैसला अदालतले सुनाएको छ।

म्यानफोर्ट सन् २०१६ मा सम्पन्न राष्ट्रपतीय निर्वाचनमा ट्रम्पको निर्वाचन अभियानको संयोजक हुन । उनी माथि  युक्रेनमा राजनीतिक परामर्शबाट कमाएको दशौँ लाख डलर लुकाएको आराेपलाई अदालतले सही सावित गरेकाे थियाे ।  यस्तै उनी माथि  गैरकानुनी रूपमा गुटबन्दी गरेको अभियोग पनि छ । साे बारेमा सजाय सुनाउन बाँकी छ।  राष्ट्रपतीय निर्वाचनका बेला ट्रम्प र रुसको सम्बन्धबारे एउटा छानबिन सुरु भएपछि उनीविरुद्ध ती अभियोगहरू लगाइएको थियो। म्यानफोर्टलाई राष्ट्रपति ट्रम्पका राजनीतिक गुरु मानिन्छ ।

एजेन्सीकाे सहयाेगमा 

तस्वीर  : म्यानफोर्टकाे ट्वीटरवाट 


२४ फाल्गुन २०७५, शुक्रबार १३:१२ मा प्रकाशित