घिसिङको कार्यक्रमका लागि सानफ्रानसिस्कोमा एकता

दूरबिन नेपाल     २५ फाल्गुन २०७५, शनिबार १८:१६    

 सानफ्रानसिस्को ।
तामाङ कोपरेशन सोसाइटी अफ क्यालिफोर्नियाको अगुवाइमा नर्थ क्यालिफोर्नियामा रहेका सबै सङ्घ संस्थाको सहभागितामा मार्च १० तारिख आइतबार कुलमानसिंह घिसिङसँग अन्तरक्रिया र सम्मानको कार्यक्रम हुँदै छ । तामाङ सोसाइटीका निवर्तमान अध्यक्ष कुमार दोङका अनुसार नेपालमा लाेडसेडिङ्ग हटाउन ‘नायकत्व’ भुमिका खेलेका नेपाल बिद्युत प्राधिकरणका प्रवन्ध निर्देशक कुलमान घिसिङसँग अन्तरक्रिया र सम्मानको कार्यक्रमका लागि सबै सङ्घ संस्थाको सहभागितामा सानफ्रानसिस्कोमा कार्यक्रम गर्ने तयारी पुरा भइसकेको छ । घिसिङको कार्यक्रममा सहभागिता जनाउने विषयमा बे एरियाका सबै सङ्घ संस्था र समाजका अगुवाहरूमा एकता देखिएको छ ।
तामाङ कोपरेशन सोसाइटी अफ क्यालिफोर्नियाका अध्यक्ष प्रेम लामा, महासचिव सुरज पाख्रिन, तामाङ समाज उत्तर अमेरिकाका वरिष्ठ अध्यक्ष शेर बहादुर लामा, नेपाली एसोसिएसन अफ नर्दन क्यालिफोर्निया (न्यान्स) अध्यक्ष रविन्द्र राईले कार्यक्रम आयोजनामा सम्पर्क ब्याक्तिको रूपमा काम गरिरहेका छन् । सानफ्रानसिस्को बे एरियामा रहेका अरू नेपाली सङ्घ संस्थाहरू सामुदायिक भवन निर्माण समिति (एन सी सी), सन्निसगरमाथा समाज, बुद्ध नेपाल पिस फाउण्डेशन, क्यालिफोर्निया शेर्पा एसोसिएसन,द ह्वाइट जोन लगायतका सङ्घ संस्थाको उपस्थितिमा कार्यक्रम हुने छ ।


२५ फाल्गुन २०७५, शनिबार १८:१६ मा प्रकाशित