लुकासको ह्याट्रिक, टोटेनह्याम च्याम्पियन्स लिग फाइनलमा प्रवेश

दूरबिन नेपाल     २६ बैशाख २०७६, बिहीबार १३:२३    

आम्स्टरड्याम, २६ बैशाख – बेलायती फुटबल क्लब टोटेनह्याम हट्सपर युरोपेली फुटबलको प्रतिष्ठित प्रतियोगिता च्याम्पियन्स लिगको फाइनलमा प्रवेश गरेको छ । टोटेनह्याम इतिहासमा पहिलो पटक फाइनलमा पुगेको हाे ।

 

टोटेनह्यामलाई फाइनलमा पुर्याउन लुकास मौराले डच टीम आयाक्स विरुद्ध ह्याट्रिक गरेका थिए । सेमिफाइनलको पहिलो लेगमा एक गोलको अग्रता बनाएको आयाक्सले दोस्रो लेगमा पनि शुरुमै दुई गोल गरेर समग्र अग्रता ३–० बनाएको थियो । विजयको नजिक पुगेर फाइनलमा स्थान बनाउनेमा लगभग ढुक्क भइसकेको आयाक्समाथि लुकास तगारो बनेर देखा परेका थिए ।

 

जोहान क्रुफ एरेनामा खेलिएको सेमिफाइनलको अतिरिक्त समयको पनि अन्तिममा लुकासले विजयी गोल गरेका थिए ।  आयाक्सका तर्फबाट माथिस डी लिग्ट र हकिम जियेचले मध्यान्तर अघि एकएक गोल गरेका थिए ।

अब आगामी जुन १ तारिखमा स्पेनको म्याड्रिडमा टोटेनह्याम र लिभरपुलबीच फाइनल खेल हुनेछ । लिभरपुलले मङ्गलबार राति खेलिएको निकै प्रतिस्पर्धात्मक खेलमा लियोनेल मेस्सीको बार्सिलोना क्लबलाई ४ गोलले पराजित गरी फाइनलमा प्रवेश गरिसकेको छ । खेल पछि आयाक्सका समर्थकले रंगशालामा उदण्डता देखाएका थिए ।

 

 

 

 

 

(रासस÷एएफपी)


२६ बैशाख २०७६, बिहीबार १३:२३ मा प्रकाशित