भारतको आम निर्वाचनमा खेलाडी गम्भीरले जिते, भाइचुङ भुटीयाको जमानत जफत

बद्रि गौतम     ११ जेष्ठ २०७६, शनिबार ०५:५६    

बद्रि गौतम, दुरबिन नेपाल, न्युयोर्क, मे २५

संसारकै सबैभन्दा ठुलो लोकतान्त्रिक मुलुक भारतको निर्वाचनले सबैको ध्यान तानेकै थियो । अब नतिजा जसरी आयो त्यसले संसारभरी नै चर्चा परिचर्चा भइरहेको छ । हिन्दुवादी दल भारतीय जनता पार्टीको अभुतपूर्व विजयले सबैलाई आश्चर्यमा पारेको छ । त्यसो त निर्वाचनका बेला गरिएको एक्जीट पोलको नतिजा भाजपाकै पक्षमा आउने आंकलन भएपनि यति ऐतिहासिक हुने अनुमान थिएन । भारतको सबैभन्दा पुरानो दल कंग्रेसको शर्मनाक हार भएको छ ।
भारतीय खेलाडी जो निर्वाचनमा होमिए

भारतीय लोकसभा निर्वाचनमा अभिनेताहरुमात्र मैदानमा ओर्लिएका होइनन । कतिपय चर्चित खेलाडीहरुपनि चृुनावी मैदानमा उत्रिएका थिए । खेलको मैदानमा आफ्नो पौरख देखाएका खेलाडी मध्ये कसैले सांसद बन्ने सौभाग्य पाएभने कोही भने पराजित बने ।

क्रिकेटर गौतम गम्भीरले जिते

कुनै बेला भारतीय क्रिक्रेटका खम्बा मानिने गौतम गम्भीर यतिबेला लोक सभा निर्वाचनमा भारी मतले जितेपछि चर्चाको शिखरमा छन । गौतमले भारतीय जनतापार्टीबाट चुनाव जितेका हुन । उनले पूर्वी दिल्लीबाट निर्वाचन लडेका थिए । गम्भीरले आफ्ना प्रतिष्पर्धी आम आदमी पार्टीकी आतिशी मार्लिनालाई चारलाख ७६ हजार भन्दा धेरैको अन्तरले पराजित गरेर दिल्ली लोकसभाको टिकट काटन सफल भए ।

भाइचुङ भुटीयाको जमानत जफत

कुनै बेला भारतमा मात्र होइन, दक्षिण एसियामा मात्र पनि होइन युरोपीयन फुटवल लिग सम्म खेलेका भारतीय फुटवलर भाइचुङ भुटीया यसपटकको भारतीय निर्वाचनमा भने नराम्ररी पराजित बने । सन २०१८ मा हाम्रो सिक्कीम पार्टी नामक दल खोलेर राजनीतिमा होमिएका भुटीया सिक्कीमको गन्तोकका दुई निर्वाचन क्षेत्रबाट चुनाव लडेका थिए । तर उनी दुवै स्थानबाट आफ्नो जमानतपनि उठाउन नसक्नेगरी पराजित बने ।

बक्सर विजेन्द्र सिंह पराजित
भारतीय बक्सर विजेन्द्र सिंहले कांग्रेसको तर्फबाट दक्षिणी दिल्लीबाट चुनाव लडेका थिए । सिंहले बक्सीङको कोर्टमा जस्तो जादु निर्वाचनको कोर्टमा देखाउन सकेनन । उनी भाजपाका रमेश विजुरी संग पाँच लाखभन्दा धेरै अन्तरले पराजित बने ।

ओलम्पियन राज्य बर्धन र कृष्णा पुनीयाको भिडन्त

भारतीय ओलम्पियन कृष्ण पुनिया जयपुरबाट कंग्रेसको तर्फबाट निर्वाचनमा होमिइन । तर उनी अर्का ओलम्यिन राज्यबर्धनसंग पराजित भइन । भाजपाबाट चुनाव लडेका राज्यबर्धनले पुनियालाई झण्डै चारलाख मतको अन्तरले पराजित गरे ।

फुटवलर कल्याण चौबेले हारे

भारतीय राष्ट्रिय टोलीबाट फुटवल खेलेका कल्यान चौबेले भारतीय जनता पार्टीबाट पश्चिम बंगालको कृष्णनगरबाट निर्वाचन लडे । तर फुटवलमा जादु देखाएका चौबेले निर्वाचनमा भने कमाल गर्न सकेनन । भारतभरी नै भाजपाको लहर आएको बेला पनि चौबेले त्रिणमुुल कंग्रेसकी महुवा मोइत्रासंग झण्डै ६५ हजार मतको अन्तरले पराजित बने ।


पुराना क्रिकेटर किर्ती आजादको जादु चलेन

भारतीय टोलीका पुराना क्रिकेटर किर्ति आजादले कांग्रेसको तर्फबाट धनवाद भन्ने स्थानमा निर्वाचन लडे । तर क्रिकेटमा जस्तो जादु उनको निर्वाचनमा चलेन । आजाद भारतीय जनता पार्टीका पीएन सिंहसंग झण्डै साडे तीन लाख मतले पराजित बने ।

 


पूर्व सुटर राव इन्द्रजीत सिंहको निशाना चुक्यो

भारतीय सुटर खेलाडी राव इन्द्रजीत सिंह कुनै बेला सुटीङमा निकै चिनिएका हुन । तर भाजपाको लहर चलेकै बेलापनि उनी गुरगावंमा कंग्रेसका क्याप्टेन अजय सिंहबाट तीन लाख ८६ हजार भन्दा धेरै मतले हार्न पुगे । रावले सो स्थानमा पुनः निर्वाचनको माग गरिरहेका छन ।

एजेन्सीको सहयोगमा
तस्विरः एजेन्सी


११ जेष्ठ २०७६, शनिबार ०५:५६ मा प्रकाशित