नम्रता जाइरा लिएर आउँदै

जाङ्बु शेर्पा     २८ जेष्ठ २०७६, मंगलवार १८:००    

जाङ्बु शेर्पा ।

          अभिनेत्री नम्रता श्रेष्ठको नयाँ चलचित्र ‘जाइरा’ भदौं ६ गतेबाट प्रदर्शनमा आउँदै छ । मार्सल आर्टिष्टको बदलाको कथामा निर्मित चलचित्रमा नम्रता मार्सल आर्ट खेलाडीको भूमिकामा प्रस्तुत छिन् । चलचित्रको कथा उनकै वरिपरि घुमेको छ ।

चलचित्रको टिजर रिलिज कार्यक्रममा नम्रताले भनिन् –‘जीवनमा कहिल्यै जिम नगएकी म जिम गएँ, ७र८ महिना मार्सल आर्ट सिकेँ ।’
नम्रता यो चलचित्रमा आफूले धेरै मेहनत गरेको बताएकी छिन ।

बुधवार चलचित्रको टिजर रिलिज कार्यक्रम पश्चात् दूरबिन नेपालसँगको अनलाइन संवादमा नम्रताले भनिन् –जीवनमा कहिल्यै जिम नगएकी म जिम गएँ, ७ र ८ महिना मार्सल आर्ट सिकेँ ।’

उनले शारीरिक, मानसिक तथा भावनात्मक रूपमा कथालाई न्याय दिन कपाल काटेको बताइन् । नम्रताले आफू कथा पढ्दा त्यसमा आफूलाई महसुस गरेमात्र चलचित्र खेल्ने बताइन् । ‘मैले कुनै पनि चलचित्र पढ्दा आफूलाई अभिनय गरेको देखेँ भने मात्र काम गर्छु’ नम्रताले थपिन ।

एउटा कलाकारले क्यारेक्टर गर्न सक्छु भन्ने कन्फिडेन्ट भएपछि मात्र चलचित्र खेल्नुपर्ने नम्रता बताउँछिन् । नम्रताले केही महिना अघि मात्र सगमाथा क्षेत्रमा रहेको लवुचे पिकको समेत सफल आरोहण गरिसकेकी छिन ।

‘जाइरा’लाई आशुतोष राज श्रेष्ठले निर्देशन गरेका हुन् । चलचित्रमा नम्रताका साथमा अनुप विक्रम शाही, प्रमोद अग्रहरी, रेमनदास श्रेष्ठसहित नव–कलाकारहरू सिर्जना रेग्मी, सुजता श्रेष्ठ, सम्राट मगर लगायतको अभिनय छ ।


२८ जेष्ठ २०७६, मंगलवार १८:०० मा प्रकाशित