अमेरिकामा रहेकी नौ बर्षीय बालिकाको सुमधुर स्वर, रेकर्ड गराइन ‘माया किन लाग्छ’

दूरबिन नेपाल     ११ आश्विन २०७६, शनिबार १७:२१    

अमेरिका, सेप्टेम्वर २८ । अमेरिकामा बस्दै आएकी नौ बर्षिय बालिका लोकश्री आचार्यको सुमधुर स्वर रहेको ‘माया किन लाग्छ’ बोलको गीत सार्वजनीक भएको छ । लोकश्री दुई बर्षको उमेरमा नेपाल बाट अमेरिकी हुन् । हालै ग्रिष्मकालिन विदा मनाउन  नेपाल भ्रमण जादा उनले गीत रेकर्ड गराएकी हुन् । उनको गीत युट्युव मार्फत सार्वजनीक गरिएको छ ।
गीतमा शब्दरचना र संगीत  दिपक शर्माको रहेको छ । यस्तै  नरेन्द्र वियोगीले संगीत संयोजन गरेका हुन् ।  ए वान म्यूजिसियन स्टुडिओमा रेकर्ड गरिएको गीतले जीवन दर्शन छोएको छ । अमेरिकाको टेक्सास स्थित लवकको लेगेसी इलिमेन्टी स्कूलमा चार कक्षामा अध्ययनरत लोकश्रीले यस अघि नेपाली समुदायले आयोजना गर्ने कार्यक्रममा समेत स्टेजबाट गीत आउदै आएकी थिइन । उनी नृत्यमा पनि सक्रिय छिन् । 
गीतको शब्द पनि मन छुने रहेको । ‘माया किन लाग्छ बरै रहेक बस्तुको, दया किन लाग्छ बरै दिन दुखीको ….’ गीतले बालबालिकालाई समाज सेवामा लाग्न प्रेरित गर्दछ । स्वर, शब्द र स‌ंगीत उत्कृष्ट भए पनि भिडियो छायाँकनमा भने कन्जुश्याइ देखिन्छ । सो गीतको म्युजिक भिडियोको
धर्मराज आचार्यले छायाँकन र  राम श्रेष्ठले सम्पादन गरेका हुन् ।


११ आश्विन २०७६, शनिबार १७:२१ मा प्रकाशित