एनआरएनएको मतदान सम्पन्न, मतगणना केहीबेरमा शुरु हुने

शिव नेपाल, दूरबिन-नेपाल     ३० आश्विन २०७६, बिहीबार १३:५२    

एनआरएनएको मतदान सम्पन्न, मतगणना केहीबेरमा शुरु हुने

शिव नेपाल 

 

काठमाडौं, ३० असोज।   गैरआवासीय नेपाली संघ एनआरएनएको पदाधिकारी चयनका लागि बिहिवार भएको निर्वाचनको मतदान सकिएको छ । एनआरएनए निर्वाचन कार्यालयले जनाए अनुसार अबको कही समय पछि मतगणना कार्य शुरु हुने छ ।

 

बिहिवार बिहान मतदान विहान १० बजेर २० मिनेटमा शुरु भएको थियो । निर्वाचनमा २३ सय ४१ मत खसेको निर्वाचन कार्यालयले जनाएको छ । यसमध्ये अमेरिकाबाट २६१, युरोपबाट ९२०, मध्यपूर्वबाट ४७०, ओसियानाबाट २१४, एशियाबाट ४६० र अफ्रिकाबाट १६ मत खसेको प्रारम्भिक नतिजा प्राप्त भएको छ ।

 

कुल ४२ पदका लागि भएको निर्वाचनमा केही पदहरु यसअघि नै निर्विरोध चयन भइसकेका छन । आजै मतगणना सक्ने तयारी आयोजकको छ। एनआरएनए निर्वाचन प्रक्रियामा भएको तनावपूर्ण स्थितिका कारण हिजै सम्पन्न हुनुपर्ने निर्वाचन बिहिवारको लागि सरेको थियो, जसको कारण प्रधानमन्त्री केपी शर्मा ओलीले समापन गर्ने भनिएको आजको कार्यक्रम भोलि शुक्रबार बिहानका लागि सारिएको छ । यसपटकको नवौं एनआरएनए विश्व सम्मेलन आफैंमा विवादास्पद देखिएको छ ।

 

 


३० आश्विन २०७६, बिहीबार १३:५२ मा प्रकाशित