अमेरिकी राष्ट्रपति ट्रम्पविरुद्धको छानविनलाई औपचारिकता दिने प्रस्ताव पारित

दूरबिन नेपाल     १५ कार्तिक २०७६, शुक्रबार ०२:२२    

दूरबिन नेपाल
अमेरिकी राष्ट्रपति डोनल्ड ट्रम्पमाथि महाभियोग लगाउने विषयको छानबिनलाई अमेरिकी संसद्को तल्लो सदन हाउस अफ रेप्रेजेन्टेटिभ्सले औपचारिकता प्रदान गर्ने एउटा प्रस्ताव पारित गरेको छ । सो प्रस्तावमा महाभियोग लगाउने विषयमा भइरहेको छानबिनको सार्वजनिक रूप कसरी लिने भन्ने कुरा उल्लेख गरिएको छ । प्रस्तावमा ट्रम्पका वकिलहरूको अधिकारलाई पनि निर्धारण गरेको छ । डेमोक्रयाटहरूको वहुमत रहेको हाउस अफ रेप्रेजेन्टेटिभ्समा राष्ट्रपतिविरुद्ध महाभियोग लगाउने पक्षमा समर्थन रहे वा नरहेको कुराको यो पहिलो औपचारिक परीक्षण थियो । यद्यपि संसद्मा भएको मतदान राष्ट्रपतिविरुद्ध महाभियोग लगाउने वा नलगाउने विषयमा चाहिँ थिएन । प्रस्तावको पक्षमा दुई सय ३२ मत खसेको थियो भने विपक्षमा एक सय ९६ मत खसेको थियो मतदानको राष्ट्रपति कार्यालय ह्वाइट हाउसले विरोध जनाएको छ । सन् २०१६ को निर्वाचनको झिनो मत अन्तरले ट्रम्प विजयी भएका जिल्लाबाट प्रतिनिधित्व गर्ने दुईजना डेमोक्र्याटले मात्रै प्रस्तावको विपक्षमा मतदान गरे । राष्ट्रपती ट्रम्पले आफूले गलत काम गरेको भन्ने कुरा अस्वीकार गर्दै आएका छन् । सभामुख न्यान्सी पेलोसीले आफ्नो पार्टीले अमेरिकी संविधान र प्रजातन्त्रको रक्षार्थ कदम चालिरहेको बताएकी छन् ।


१५ कार्तिक २०७६, शुक्रबार ०२:२२ मा प्रकाशित