च्याम्पियन्स लिगः लिभरपुल विजयी चेल्सीले अंक बाँढ्यो

दूरबिन नेपाल     २० कार्तिक २०७६, बुधबार ०१:४८    

 

दूरबिन नेपाल
च्याम्पियन लिग अन्तर्गत लिभरपूलको विजयीयात्रा कायमै रहंदा अर्को इङ्ग्लीस क्लब चेल्सीले भने डच क्लब आयक्ससंग ४–४ को बरबरी खेलेको छ । यूइएफए च्याम्पियन्स लिग अन्तर्गत भएको सो खेल चेल्सीको घरेलु मैदान स्टामफोर्ड व्रिजमा भएको थियो । खेलको दुई मिनेटमा नै आयक्सका खेलाडी प्रोमिसले प्रहार गरेको फ्रिकिकलाई टोनी अव्राहमले गोल गर्दे टोलीलाई अग्रता दिलाएका थिए । लगत्तै खेलको पाँच मिनेटमा आयक्सका खेलाडीले डि वक्सभित्र फल गरेपछि पाएको पेनाल्टिलाई चेल्सि स्ट्राइकर जोजिन्होले गोल गर्दे खेललाई बराबरीमा ल्याएका थिए । विपक्षीको मैदानमा आक्रामकरुपमा प्रस्तुत भएको आयक्सले खेलको २० औं र ३५ औं मिनेटमा कुइन्सि प्रमिस र केपा अरिजावालागाको गोलबाट खेललाई ३–१ अन्तरमा पुर्याएको थियो । आफ्नै घरेलु मैदानमैपनि फितलो देखिएको चेल्सीले मध्यान्तर पछि पनि रक्षापंत्ति राम्ररी सम्हाल्न नसक्दा आयक्सका मिड फिल्डर भान डिकले ५५ औं मिनेटमा गोल गर्दे चेल्सिमाथि चार एक गोलको अन्तर बनाए । तर ६६ औं मिनेटमा चेल्सि क्याप्टेन सेजर अजविलकुटाले अर्को गोल थप्दै चेल्सिलाई लयमा फर्काउने कोशीस गरेका थिए । दोश्रो गोल फर्काए पश्चात घरेलु मैदानमा आक्रामक रणनीतिका साथ अघि वढिरहेका चेल्सीका स्ट्राइकर हर्डसन अडोइलाई आयक्सका डि ब्लाइण्डले फल गरेपछि रेफ्रिले रातो कार्ड देखाए । ब्लाइण्डलाइ रातो कार्ड देखाएकोमा रेफ्रिसंग वादविवादमा उत्रिए पछि आयक्सका अर्का मिड फिल्डर जे भेल्टमेनलाई पनि रातो कार्ड देखाउदै मैदान वाहिर पठाएका थिए । नौ खेलाडीमा समेटिएको आयक्स विरुद्ध चेल्सीले गोल थप्दै खेललाई बराबरीमा पु¥याएका थिए । चेल्सिको निम्ति जोजिन्हो र जेम्सले थप गोल गरेका थिए ।
यस्तै आजै भएको खेलमा गत सिजनको विजेता लिभरपुले जेन्कलाई २–१ ले पराजीत गरेको छ । स्पेनिस क्लव बार्सिलोनाले भने घेरलु मैदानमा र स्लाभिया प्रागसंग गोल रहित बराबरी खेलेको छ । अर्को खेलमा नापोली र एफसी साल्जबग विचको खेल पनि १–१ को बराबरीमा नै टुंगिएको छ । च्याम्पियन लिगकम अन्य खेलहरुमा लियोन, भ्यालेन्सिया, इन्टर मिलान विजयी भएका छन ।
च्याम्पियन्स लिग अन्तर्गत बुधबार आठ खेल हुंदैछन । जसान रियल मड्रिड, युभेन्टस, वार्यन म्युनिख, पेरिस सेन्ट जर्मन, म्यान्चेष्टर सीटी, टोटेनहामले भिड्नेछन ।


२० कार्तिक २०७६, बुधबार ०१:४८ मा प्रकाशित