अमेरिकामा नक्कली विश्वविद्यालय खडा गरि विद्यार्थीबाट लाखौं ठगी २ सय ५० भन्दा वढी विद्यार्थी अमेरिकाबाट फिर्ता  

जाङ्गबु शेर्पा     ११ मंसिर २०७६, बुधबार २२:०२    

जाङ्गबु शेर्पा/ दूरबीन नेपाल 


अमेरिका । अमेरिकामा आफ्नो शैक्षिक भवन समेत नभएका केही नक्कली विश्वविद्यालयले अमेरिकी निकायलाई झुटो विवरण दिएर विदेशबाट ल्याइएका सयौँ विद्यार्थीको बिचल्ली भएको छ । पैसाका लागि बदमासी गर्ने निकाय र विद्यार्थी दुवैलाई अमेरिकी सुरक्षा निकायले पक्राउ गरी कानुनी कारबाही शुरु गरिसकेको छ ।  आइसिइले अमेरिकाको डेट्रोइट राज्यमा  रहेका नक्कली कलेजहरूमा छापा मार्ने क्रममा एक वर्षको अवधिमा २ सय ५० भन्दा वढी विद्यार्थी पक्राउ परेको जनाएको छ ।

आइसिइका अनुसार पक्राउ परेका अधिकांश भारतीय विद्यार्थी रहेका छन । उनीहरु बिभिन्न टेक्नोलोजी र कम्प्युटर विज्ञानमा स्नातक गरिरहेका थिए । 

पक्राउ परेका सबैलाई सम्वन्धित देशमा फिर्ता पठाइसकेको पनि आइसिइले उल्लेख गरेको छ । विद्यार्थीहरू अमेरिकामा विद्यार्थी प्रवेशाज्ञामा कानुनी रुपमा नै प्रवेश गरेका हुन् । तर उनीहरूलाई अमेरिका झिकाउने फरिमिंग्टन विश्वविद्यालयमा छापा मार्ने क्रममा विश्वविद्यालयले आफ्नो वेबसाइटमा राखेको भवन नै नकली भएको पत्ता लागेको थियो । भवनै नभएको र कक्षा सञ्चालन समेत नभएको पाएपछि गत जनावरि देखि नै उक्त विश्वविद्यालयको सञ्चालन अनुमति खारेज भयो ।  

आइसिइले गत मार्चमा समेत उक्त नक्कली विश्वविद्यालयका १ सय २९ जना विद्यार्थीलाई पक्राउ परेको बताएको छ । पक्राउ परेका सबैको प्रवेशाज्ञा रद्द गरिएको समेत आइसिइले जनाएको छ । 

धेरै जसो विद्यार्थीहरू विश्वविद्यालयको साथ पाठ्यक्रम व्यावहारिक प्रशिक्षण भनेर चिनिने कार्यक्रम सिपिटि मार्फत आएका थिए । विद्यार्थीवाट विश्वविद्यालयले वार्षीक १२ हजार डलर शिक्षण शुल्कको रुपमा उठाउदै आएको पनि पत्ता लागेको छ ।  

विद्यार्थीको तर्फबाट कानुनी सल्लाहकारको रुपमा नियुक्त भएका अधिवक्ता  राहुल रेड्डीले विश्वविद्यालयले कानुनी कमजोरीको फाइदा उठाउँदै विद्यार्थीहरूबाट फाइदा लिएको बताएका छन । उनले विश्वविद्यालयले अवैधानिक रुपमा लाखौं डलर उठाएको बताउँदै त्यसको छानविन गर्नुपर्ने जिकिर गरेका छन् । 

आईसीइका अधिकारीहरूले भने विद्यार्थीहरूले यो वैध विश्वविद्यालय होइन भनेर थाहा पाउनुपर्थ्यो किनभने प्रत्यक्ष अध्ययन गर्न यसमा भवन र कक्षा कोठाको सुविधा छैन । केही सीपीटी प्रोग्रामहरू कम्पनीहरूमा कामका कार्यक्रमहरूको साथ कक्षा सञ्चालन हुन्छ ।
आइसिइले विश्वविद्यालयमा एक सेकेन्ड समेत कक्षा सञ्चालन नभएको तथ्य पनि फेला पारेको छ । यता सङ्घीय कानुनी अधिकारीहरूले भने विदेशी राजदूतावासमा अन्तराष्ट्रिय विद्यार्थीलाई दिइने विद्यार्थी प्रवेशाज्ञाको प्रकृयामा माथि प्रश्न उठाएका छन ।


यो घटना अमेरिकामा पहिलो र नयाँ भने होइन । यस अघि क्यालिफोर्नियाको एक नक्कली विश्वविद्यालयबाट पनि झण्डै २ सय विद्यार्थीलाई पक्राउ गरी अमेरिकी सुरक्षा निकायले फिर्ता पठाएको थियो ।  


११ मंसिर २०७६, बुधबार २२:०२ मा प्रकाशित