अमेरिकामा डोनल्ड ट्रम्प पूर्व राष्ट्रपति अब्राहम लिंकनभन्दापनि असल– रिपव्लिकन सर्वे

दूरबिन नेपाल     १६ मंसिर २०७६, सोमबार ००:५३    

दूरबिन नेपाल
अमेरिकी राष्ट्रपति डोनल्ड ट्रम्प पूर्व राष्ट्रपति अब्राहम लिंकनभन्दा पनि लोकप्रीय र असल रहेको एक सर्वेक्षणले दावी गरेको छ । रिपब्लिकन समर्थकहरुमाझ गरिएको एक सर्वेक्षणबाट सो नतिजा निस्केको द हिल नामक एक अनलाइनले दावी गरेको छ । सर्वेक्षण अर्को समाचार एजेन्सी इकोनोमिष्ट यु जिओभीले गरेको थियो । जुन सर्वेक्षणलाई भनिएको छ । सर्वेक्षण अनुसार ५३ प्रतिशतले डोनल्ड ट्रम्पलाई अमेरिकी १६ औं राष्ट्रपति तथा रिपब्लिकन नेता अब्राहम लिंकनभन्दापनि असल भएको बताएका छन । त्यसै गरी ४७ प्रतिशतले अब्राहक लिंकन नै सबैभन्दा असल रहेको धारणा दिएका छन । सर्वेक्षण रिपब्लिकन समर्थकहरुमाझ मात्र गरिएको थियो । तर डेमोक्रयाट सहित अन्य अमेरिकी नागरिकहरुमाझ भने अब्राहम लिंकन नै सबैभन्दा लोकप्रीय र असल देखिएका छन । स्वत्रन्त्र, रिपब्लिकन र डेमोक्र्याटहरु सबैलाई समेटेर अमेरिकाभरी गरिएको सर्वेक्षण अनुसार ७५ प्रतिशत अमेरिकी जनताहरुले लिंकनलाई सबैभन्दा असल मानेका छन । त्यस्तै २५ प्रतिशत अमेरिकीहरुले भने ट्रम्पलाई सबैभन्दा असल मानेका छन । महाअभियोगको सुनुवाई लगायत अन्य विवादाष्पद क्रियाकलापका कारण डोनल्ड ट्रम्प चर्चामा रहेपनि रिपब्लिकनहरुमाझ गरिएको सर्वेक्षणले भने ट्रम्पलाई लोकप्रीय देखाएको हो । लिंकनभन्दा पनि लोकप्रीय र असल देखिएपछि डोनल्ड ट्रम्पले आफ्नो आत्मविस्वास झन उंचो भएको अभिव्यक्ति दिएका छन । द इकोनोमिष्ट यु जिओभीले साप्ताहिक सर्वे नोभेम्बर २४ देखि २६ सम्म गरेको जनाइएको छ । सर्वेक्षणमा १५ सय रिपब्लिकन समर्थकहरुलाई समावेश गरिएको थियो ।

तस्विरःएजेन्सी


१६ मंसिर २०७६, सोमबार ००:५३ मा प्रकाशित