भारत र चीन भन्दा अमेरिकाको सहयोग लिनु राष्ट्र हितमा

प्रा. डा. दुर्गा दाहाल     १३ माघ २०७६, सोमबार १९:१३    

 प्रा. डा. दुर्गा दाहाल

 

अमेरिकाले नेपालसंग गर्न लागेको Millennium  Challenge Corporation अथवा Compact के हो भन्ने कुरा बोक्रामा बुझेर हुन्न अपितु यसको गहिराईमा पुग्नु अत्यन्त ज़रूरी छ ।

यद्यपि मेरो यो लेखमा यसको विपक्षमा बोलेँ भने म राष्ट्रवादी तथा देशभक्त बन्ने छु र यसको विपक्षमा लेखेँ अथवा बोलेँ भने म राष्ट्रघाती अथवा देशद्रोही हुनेछु, मलाई मेरो ब्रह्म र विवेकले जे भन्छ त्यही निर्भयतापूर्वक बोल्नेछु ।

* राष्ट्रीयता के हो ?

राष्ट्रीयता राष्ट्र प्रतिको प्रेम हो । प्रत्येक व्यक्तिको  कुनै एउटा राष्ट्र हुन्छ । त्यो राष्ट्रपतिको शर्तहीन मायालाईनै राष्ट्रीयता भनिन्छ ।

अप्रिय मान्नु हुन्न भने मेरो विचारमा नेपाललाई नेतृत्व गर्न सक्ने नेता हाल नेपालमा छैनन । तुलनात्मक रूपमा नयाँ पुस्ताका केही  नेताहरू अब्बल देखिन्छन तर पनि अपेक्षित रूपमा त्यसको कमी देखिन्छ ।
केवल मार्क्स, लेनिन र माओवादीका पुस्तकका ठेलीहरू पढेर र पढ़ाएर कुनै पनि राष्ट्र र त्यहाँको  जनताको विकास हुँदैन । अपितु त्यस राष्ट्रको आवश्यकतानुसार समय र परिस्थिति अनुरूप राष्ट्रीयता, प्रजातंत्र तथा समाजवादको विकाश गर्नु पर्छ ।

अमेरिकाले अल्पविकसित मुलूकहरूलाई दिईने यो मोटो रकमको अनुदान नेपालको हितको पक्षमा छ तर कतिपय कुरामा छलफल हुनु वाँछनीय छ । नेपालको राष्ट्रीयतामा आँच नपुग्ने गरि सामरिक विषय र अन्य कुराहरूमा छलफल गरिनु पर्छ र यो विषयलाई संसदबाटै पारित गराउनु उपयुक्त देखिन्छ ।

स्मरण रहोस, भारत अथवा चीनबाट भन्दा तुलनात्मक रूपमा अमेरिकाबाट सहयोग र सहायता लिनु उपयुक्त देखिन्छ ।

राजनैतिक पार्टी अथवा व्यक्तिविशेषले केवल राष्ट्रीयताको दुहाई दिएर भोका-नांगा जनतालाई गुमराहमा राख्नु हुँदैन किनभने राष्ट्रीयता भन्दा राष्टका जनताका लागि शान्ति- सुरक्षा, शिक्षा- स्वास्थ्य, पर्यटन, पानी र बाटो- घाटो आदि इत्यादि आवश्यक छ .


१३ माघ २०७६, सोमबार १९:१३ मा प्रकाशित