अन्ततः इयुबाट बाहिरीने पहिलो मुलुक बन्यो बेलायत इयुको भविष्यमाथी चिन्ता

दूरबिन नेपाल     १८ माघ २०७६, शनिबार ०४:२८    

दूरबिन नेपाल, न्युयोर्क
समाचार टिप्पणी
युरोपेली महाशक्ति बेलायतले शुक्रबार राती ११ बजेदेखि युरोपेली राष्ट्रहरुको संगठन इयुबाट अलग रहने निर्णय औपचारिक रुपमै गरेको छ । बेलायती प्रधानमन्त्री बोरिस जोन्सनले बेलायत युरोपेली युनियनबाट बाहिरीएको घोषणा गर्नु एकघण्टा अघि बेलायतीहरुलाई सम्बोधन गरी आफ्नो बाचा पुरागरेको बताएका थिए । इयुबाट कुनै मुलुक बाहिरीएको यो पहिलो पटक हो । तर चिन्ता भने अन्य मुलुकहरुपनि बाहिरीने क्रम बढ्ने र यसले इयुको भविष्यका साथै समग्र युरोपको एकतामा असर पर्ने देखिएको छ । ४७ सालपछि बेलायत युरोपेली युनियनबाट बाहिरीने निर्णय गरेपछि प्रधानमन्त्री बोरिस जोन्सनको राजनीतिक जित भएको छ । यद्यपि ब्रेक्जीटले बेलायतको भविष्यपनि कता मोडिन्छ भन्न सकिंदैन । कतिपय आलोचकहरुले बेलायतीको अति राष्ट्रवादको परिणाम बे्रक्जीटलाइ मानेका छन । बेलायत १९७३ जनवरी १ देखि इयुरोपेली युनियनमा आवद्ध भएको थियो । जुन समय विश्व सोभियत गुट र अमेरिकी गुटमा विभाजित बनी शित युद्धको चरम अवस्थामा थियो । बेलायती संसद र युरोपेली संसदले ब्रेक्जीट सम्झौतालाई अनुमोदन गरेपछि बेलायतलाई बाहिरीने औपचारिक बाटो खुलेको थियो । सन २०१६ जुनमा बेलायती जनताले इयुबाट बाहिरीने पक्षमा मतदान गरेका थिए । त्यसको एक हजार तीन सय ८८ दिनपछि बेलायतले औपचारिक रुपमा इयुबाट बाहिरीने स्वीकृति पाएको हो ।
त्यसैगरि इयुको मुख्यालयबाट बेलायतको झण्डापनि निकालिएको छ । अब बेलायतले युरोपेली राष्ट्रहरुसंग बेग्लै सम्झौता गर्नेछ । भने इयुको नियमबाट बांधिने छैन । यसलाई धेरै बेलायतीहरुले स्वतन्त्रताको दिनको रुपमा पनि लिएका छन । तर अब बेलायतले युरोपेली मुलकहरुसंग द्धिपक्षीय तथा बहुपक्षीय सम्झौता गर्नुपर्ने हुन्छ जुन त्यति सजिलो छैन । यद्यपि बेलायतले एसीयाली तथा अमेरिकी मुलुकहरुसंग छुट्ट्रै सम्झौता गर्न सक्नेछ ।
इयुमा रहंदा बेलायतले अमेरिका तथा अन्य मुलुकसंगको आफ्नो सम्बन्धलाई मौलिक रुपमा अघि बढाउन नपाएको गुनासो धेरैको थियो । दोस्रो विश्व युद्धअघि महाशक्ति राष्ट्र बेलायत पछिल्लो समय इयु तथा अमेरिकाको इशारामा चलेको आरोप लागि रहेको थियो । अधिकांश बेलायतीहरु अझै बेलायत नै सर्वशक्तिमान हुन सक्ने विस्वास गर्छन । बेलायतमा हावी हुंदै गएको अति राष्ट्रवादका कारण इयुबाट बेलायत बाहिरीएको यसले समग्र युरोप तथा विश्वको शान्तिमा असर पर्न सक्ने आशंकापनि गरिएको छ । बेलायतको इयुबाट बहिर्गमनसंगै युुरोप शित युद्धकालिन अवस्थामै फर्किएको कतिपयले विश्लेषण गरेका छन । इयुमा रहंदा फ्रान्स तथा जर्मनी जस्ता चरम प्रतिद्धन्दीसंगपनि मित्रवत व्यवहारमा रहेको बेलायत अब प्रतिष्पर्धामा उत्रंदा समग्र विश्व शान्तिमा असर पर्नसक्ने चिन्ता पनि व्यक्त गरिएको छ । युरोपमा बढ्दै गएको आप्रवासी समस्या, बेरोजगारी तथा तनावको व्यवस्थापनमा बेलायको बहिर्गमनले थप चुनौती थपेको विष्लेशण गरिएको छ ।
ऐजेन्सीको सहयोगमा


१८ माघ २०७६, शनिबार ०४:२८ मा प्रकाशित