हलिउडको ओस्करमा कोरीयाली चलचित्रको वर्चश्व विदेशी चलचित्रप्रति हिलउड अझै अनुदार भएको आरोप

जाङबु शेर्पा     २८ माघ २०७६, मंगलवार ०२:३१    

जाङबु शेर्पा, दुरबिन नेपाल
अधिकांश समय हलिउड चलचित्रकै वर्चश्व रहिरहने ओस्कर एकेडेमी अवार्ड यस पटक भने अपवाद भइदियो । अधिकांशले हलिउड चलचित्र १९१७ ले धेरै विधामा ओस्कर जित्ने को अनुमान गरेका थिए । तर दक्षिण कोरियाली फिल्म ‘प्यारासाइट’ यसवर्षको ओस्कर अवार्डमा बाजी मार्न सफल भयो । उत्कृष्ट फिल्म, पटकथा, निर्देशन र अन्तराष्ट्रिय फिचर विधामा समेत कोरीयाली चलचित्र प्यारासाइट उत्कृष्ट ठहरीयो । साम मेन्डेसको वार ड्रामा १९१७ ले भने जम्मा तीन अवार्डमा चित्त बुझायो । त्यसैगरी धेरैले अपेक्षा गरेको चलचित्र जोकरलेपनि अभिनय र ओरजिनल स्कोर विधामामात्र उपाधी जित्यो । कोरीयाली निर्देशक बोङ जोन होले प्यारासाइटबाट सर्वोत्कृष्ट निर्देशकको अवार्ड हात पारे । ज्याकिन फिनिक्सले जोकरबाट उत्कृष्ट अभिनेताको पुरस्कार हात पारे । चलचित्र जुडीबाट रीन ग्लेवेगर उत्कृष्ट अभिनेत्री बनिन् । वन्स अपन अ टाइम इन हलिउडबाट ब्राड पिट उत्कृष्ट सहायक अभिनेता घोषित भए । उत्कृष्ट निर्देशकको अवार्ड ग्रहण गर्दै होले स्कुलदेखि नै आफूले मार्टिन स्कोरसिजका फिल्म हेर्ने गरेको बताउँदै ओस्कर नै जित्ने सपना भने कहिल्यै नदेखेको बताए । तर प्यारासाइटको ओस्कर जितप्रति भने हलिउड मिडिया र कलाकार भने विभाजित भएका छन् । कतीपय सञ्चार माध्यमले प्यारासाइटको ग्रहणलाई हलिउडमा एशियाली उदयकोरुपमा व्याख्या गरेका छन भने कतीले ओस्कारको इतीहासमै कम दर्शकले हेरिएको अवार्ड भएको व्याख्या गर्दे हलिउको खराब रातकोरुपमा व्याख्या गरेका छन । अर्कोतीर प्यारासाइट निर्देशक बोङ जोनले उत्कृष्ट फिल्मको अवार्ड लिनेक्रममा आफ्नो मन्तव्य राख्दै गर्र्दा बत्ती र क्यामेरा दुवै काटिएको थियो । त्यसपछि अवार्ड समारोहमै दर्शकको हुटिङ पछि पूनः दृश्याङ्कन गरिएको थियो । यसवारे ओस्कर एकेडेमीले केही नखुलाएपनि बाहिरी चलचित्रप्रति हलिउड अझै अनुदार नै भएको टिप्पणी गरिएको छ ।
एजेन्सीको सहयोगमा

Share and Enjoy !

0Shares
0 0 0

२८ माघ २०७६, मंगलवार ०२:३१ मा प्रकाशित