माक्स विवाद : राष्ट्रपति ट्रम्प माथि जाइलागे कर्मचारी

दूरबिन नेपाल     ९ जेष्ठ २०७७, शुक्रबार १४:२८    

माक्स विवाद : राष्ट्रपति ट्रम्प माथि जाइलागे कर्मचारी

 दूरबिन संवाददाता    


अमेरिका । राष्ट्रपति डोनाल्ड ट्रम्प माक्स नलगाई फोर्ड कम्पनी भित्र छिरेपछि विवादमा तानिएका छन् । मिचिगन राज्यमा रहेको फोर्ड कम्पनीले कोभिड–१९ को उपचारमा  सहयोगी  उपकरण  भेन्टिलेटर बनाउन शुरु गरेपछि अवलोकनका लागि बिहीबार त्यहाँ पुगेका थिए । माक्स नलगाई कम्पनी भित्र गएर उनले भ्यान्टिलेटर निर्माण प्रक्रियाको अवलोकन र कम्पनीका अधिकारीहरूसँग कुराकानी गरे ।  मिचिगन राज्यको निर्देशन र कम्पनीको नियम अनुसार निर्माणधीन स्थलमा मास्क नलाई जान बर्जित छ । बोलीमा जस्तै व्यवहारमा पनि राष्ट्रपति ट्रम्पले आफ्नो उदण्डता प्रदर्शन गर्दै राज्य सरकारको निर्देशन र कम्पनीको नियमको उपहास गरे ।  जबकी कम्पनीका अधिकारी र सबै कर्मचारीले माक्स लगाएका थिए ।

राष्ट्रपति ट्रम्पलाई पत्रकारले तपाइले किन माक्स नलगाएको भनि सोधेको प्रश्नमा भने  “सबैको परीक्षण गरिएको छ र मेरो पनि परिक्षण भएको छ।”  उनले निर्लज्ज भएर  भने “मसँग पहिले एउटा मास्क थियो , जुन क्षेत्रमा पत्रकारहरूले देखेका थिएन”  ट्रम्प प्रश्न सोध्ने पत्रकार तर्फ खनिए, “म मुख ढाकेर प्रेसलाई खुशी तुल्याउन चाहन्न।”


ट्रम्पले आफ्नो बचाउ गर्दै कम्पनीकै अधिकारीहरूसँग सोधेर नै माक्स नलगाएको बताए । राष्ट्रपति ट्रम्पको जवाफले समस्यालाई झनै पेचिलो बनायो ।  फोर्डका कार्यकारी अध्यक्ष विलियम फोर्ड र सीईओ बिल ह्याकेट  धर्म सङ्कटमा परे । मास्क लगाएका उनीहरूले निक्कै असहज मान्दै राष्ट्रपति ट्रम्पको बचाउमा थोरै शब्द भएपनि बोल्न बाध्य भए  । उनीहरूले ‘राष्ट्रपति ट्रम्पको चाहनामा भर गर्ने कुरा हो’ भन्दै  घुमाउरो जवाफ दिए । फोर्डका कार्यकारी अध्यक्ष विलियम फोर्ड र सीईओ बिल ह्याकेट भने मास्क लगाएर ट्रम्पसँग फैक्ट्री फ्लोरको भ्रमणमा थिए ।


ट्रम्पको हर्कतलाई नियालिरहेका कम्पनीमा कार्यरत कर्मचारीले असन्तुष्ट  जनाउदै राष्ट्रपति ट्रम्प र कम्पनीका अधिकारी विरुद्ध विज्ञप्ति नै जारी गरेका छन् । शान्तिपूर्वक काम भइरहेको फोर्ड कम्पनी भित्र राष्ट्रपति ट्रम्पको अवलोकन भ्रमणले तनाव थपिएको छ ।
युनाइटेड अटोमोबाइल वर्कर्स, युनियनले कारखाना मजदुरहरूको प्रतिनिधित्व गर्दै एक विज्ञप्ति जारी गर्यो । जसमा     भनिएको छ    “ राष्ट्रपति ट्रम्पले आज फोर्ड कम्पनीको भेन्टिलेटर निर्माण स्थलमा स्वास्थ्य र सुरक्षाका नियम र निर्देशनहरू पालन नगरे पनि हामी नियमलाई बर्करार राख्न  चाहन्छौ।” 


मानवसमुदायको हित र रक्षाका लागि जारी नियम निर्देशनहरुमा कुनै परिवर्तन नभएको अवस्थामा पालना नगरिनु दुखद भन्दै युनियन सम्वद्ध कर्मचारीहरूले आपति जनाएका छन् ।  

कोरोना भाइरसको महामारीबाट सबै भन्दा बढि प्रताडित देश अमेरिकामा १६ लाख २२ हजार भन्दा बढि संक्रमित भइसकेका छन् भने । ९६ हजारको ज्यान गइसकेको छ । मिचिगन अमेरिकाको चौथो बढि प्रभावित राज्य हो । जहाँ ५ हजार भन्दा बढिको मृत्यु भइसकेको छ । राष्ट्रपति ट्रम्पले  बिहीबार भ्रमण गरेको कम्पनी फोर्डमा कार्यरत ३ जना कर्मचारी संक्रमित भएको पुष्टि भएको छ । यी सबै कुराको जानकारी हुँदा हुँदै पनि राष्ट्रपति ट्रम्प सार्वजनिक स्थानमा माक्स नलागाई हिडिरहेका छन् । जसका कारण फोर्ड कम्पनीका कर्मचारीहरु राष्ट्रपति ट्रम्पले सार्वजनिक सुरक्षा नियमको मजाक उडाए पछि जाइलाग्न बाध्य भए । 


सीएनबीसी र केही ब्रोकाष्ट मिडियाको सहयोगमा 
तस्विर: सीएनवीसीबाट


९ जेष्ठ २०७७, शुक्रबार १४:२८ मा प्रकाशित