जर्ज फ्लोईडको हत्या नै भएको पुष्टि, पोष्टमार्टम रिपोर्ट सार्वजनिक

दूरबिन नेपाल     १९ जेष्ठ २०७७, सोमबार २३:५७    

जर्ज फ्लोईडको  हत्या नै भएको पुष्टि, पोष्टमार्टम रिपोर्ट सार्वजनिक

दूरबिन नेपाल, अमेरिका

अमेरिकाको मिन्यापोलिस प्रहरी हिरासतमा मृत्यु भएका अश्वेत नागरिक जर्ज फ्लोइडको हत्या भएको पोष्ट मार्टम रिपोर्टले पुष्टि गरेको छ । फ्लोइडको आधिकारीक रुपमै हत्या भएको यो पहिलो र दरिलो प्रमाण हो । मे २५ मा मिनियापोलिस प्रहरी अधिकारीहरूले जर्ज फ्लोइडलाई घाँटीमा घुंडाले थिच्दा मृत्यु भएको थियो । घांटी थिचिएपछि स्वास प्रस्वासमा समस्या भएपछि मुटुमा असर परेको पोष्ट मार्टम रिपोर्टमा उल्लेख गरिएको छ । रिपोर्टमा फ्लोइड मुटुका रोगी भएकोले औषधि सेवन गरिरहेको जनाइएको छ । फ्लोइडका परिवारले छुट्टै पोष्टमार्टम गराएको थियो ।

PlutonicTech

फ्लोइडले आफुलाई सास फेर्न अप्ठेरो भएको बताइरहंदा पनि प्रहरी अधिकारीले घुंडाले घांटीमा थिचिरहेका थिए । उनको त्यो भिडियो भाइरल भएपछि यतिबेला अमेरिकाका विभिन्न शहरहरुमा दंगा भडकिएको छ ।


१९ जेष्ठ २०७७, सोमबार २३:५७ मा प्रकाशित