नयाँ बाटो रोज्न तयार हुनुपर्छ:  डाक्टर अर्जुन बन्जाडे 

दूरबिन नेपाल     १९ असार २०७७, शुक्रबार २१:०७    

नयाँ बाटो रोज्न तयार हुनुपर्छ:  डाक्टर अर्जुन बन्जाडे 

दुरबिन संवाददाता


अमेरिका । एनआरएनए अमेरिकाको जुलाई ४ र ५ तारिख हुन गइरहेको साधारण सभामा विभिन्न विषयका ८० जना विज्ञहरूले आफ्ना प्रस्तुति दिनुका साथै छलफलमा सहभागि हुने भएका छन् । आठवटा गोष्ठि र चार वटा टाउनहलमा विज्ञहरूको प्रस्तुति हुने छ । अनलाईनबाट हुने यो साधारण सभामा ६ सय भन्दा बढिको सहभागिता हुने एनआरएनए अमेरिकाका पदाधिकारीहरूले जनाएका छन् । साधारणसभा आयोजक समितिका संयोजक बरिष्ठ उपाध्यक्ष डाक्टर अर्जुन बन्जाडेका अनुसार साधारण सभामा भागलिन १ तारिख अगाडि नै ५ सय भन्दा बढि सदस्यहरूले अनलाइन रजिष्ट्रेशन गरिसकेका छन् । उनिहरुलाई साधारण सभामा सहभागि हुन जुमलिंक समेत तयार भइसकेको छ । 

PlutonicTech


साधारण सभामा प्रमुख अतिथिको रुपमा परराष्ट्रमन्त्री प्रदिप ज्ञवाली सहभागि हुँदै छन् । त्यस्तै कांग्रेस नेता डाक्टर शेखर कोइराला, पूर्व मन्त्री डाक्टर प्रकाश शरण महत, राजदूत डाक्टर अर्जुन कार्की, मेरिल्याण्ड राज्यका विधान सभा सदस्य एच वी भण्डारी, आइसीसीका अध्यक्ष कुमार पन्त लगायतका पदाधिकारी, क्षेत्रीय संयोजक र कार्यसमितिका सदस्यहरू , पूर्व उपाध्यक्ष कुल आचार्य, एनआरएनए अमेरिकाका पूर्व अध्यक्ष डाक्टर केशव पौडेल, अमेरिकामा रहेका नेपाली संघ संस्थाका प्रतिनिधिहरूलाई अतिथिको रुपमा निम्ता गरिएको एनआरएनए अमेरिकाले जनाएको छ ।


साधारण सभाका संयोजक डाक्टर बन्जाडे भन्छन्  “
एउटा भनाई रहेको छ ‘मिडियम इज द म्यासेज’  भन्ने  ।  अनलाइनबाट संस्थाको साधारण सभा गरिनु आफैमा महत्वपूर्ण सन्देश हो । कोभिड –१९ को प्रकोपले विश्व आक्रान्त भएको समयमा पनि संघ संस्थाका गतिविधि रोक्नु हुँदैन । नयाँ बाटो रोज्न पनि तयार हुनु पर्छ भन्ने अर्को सन्देश पनि हो । एनआरएनएको अभियानसँग जोडिदै विज्ञहरू एउटै थलोमा आएर प्रस्तुति दिने र छलफलमा सहभागि हुनु अर्को महत्वपूर्ण सन्देश हो ।”

एनआरएनए अमेरिकाको साधारण सभामा आइसीसीका दुईवटा कमिटीले पनि आफ्नो प्रस्तुति दिदैँ छन् । आइसीसीको तर्फबाट खगेन्द्र जी सीले सोसल इकोनमिक ट्रान्सफरमेसन र स्वास्थ्य सम्बन्धमा डाक्टर सन्जिब सापकोटाको प्रस्तुति रहने छ ।    

Bhatta Law & Associate

 


१९ असार २०७७, शुक्रबार २१:०७ मा प्रकाशित